MUKHYAMANTRI LADAKI BAHIN YOJANA E-kyc
महाराष्ट्र शासनाने “मुख्यमंत्री माझी लाडकी बहीण” या योजनेच्या लाभार्थ्यांच्या पडताळणी आणि प्रमाणीकरणासाठी e-KYC माध्यमातून आधार ऑथेंटिकेशन करण्यास मान्यता दिली आहे.
योजनेचा उद्देश
महिलांचे आर्थिक स्वातंत्र्य, आरोग्य व पोषण सुधारणा तसेच कुटुंबातील निर्णयक्षमता वाढविणे या हेतूने ही योजना सुरू करण्यात आली आहे. या योजनेअंतर्गत पात्र महिलांच्या खात्यात Direct Benefit Transfer (DBT) द्वारे आर्थिक मदत जमा केली जाते.
शासन निर्णयातील महत्वाचे मुद्दे
लाभार्थी महिलांनी दरवर्षी जून महिन्यापासून दोन महिन्यांच्या आत e-KYC करणे अनिवार्य आहे.
18 सप्टेंबर 2025 पासून दोन महिन्यांच्या आत चालू आर्थिक वर्षातील e-KYC प्रक्रिया पूर्ण करणे आवश्यक.
e-KYC न केल्यास पुढील लाभ मिळणार नाहीत.
ही सुविधा अधिकृत संकेतस्थळावर उपलब्ध आहे – https://ladakibahin.maharashtra.gov.in.
e-KYC करण्याची प्रक्रिया (Flowchartनुसार)
1. https://ladakibahin.maharashtra.gov.in या वेबसाईटला भेट द्या.
2. मुख्यपृष्ठावरील e-KYC Banner वर क्लिक करा.
3. आधार क्रमांक व कॅप्चा टाकून Send OTP करा.
4. नोंदणीकृत मोबाईलवर आलेला OTP टाकून पुढील प्रक्रिया पूर्ण करा.
5. पती/वडिलांचा आधार क्रमांक पडताळणीसाठी नोंदवा.
6. आवश्यक घोषणापत्र भरून Submit करा.
7. यशस्वी पडताळणी झाल्यानंतर “Success – तुमची e-KYC पडताळणी पूर्ण झाली आहे” असा संदेश दिसेल.
महत्वाची सूचना
ज्यांनी आधार प्रमाणीकरण पूर्ण केले नाही, त्यांना पुढील लाभ मिळणार नाहीत.
योजना सुरळीतपणे सुरू ठेवण्यासाठी सर्व पात्र लाभार्थ्यांनी वेळेत e-KYC करणे आवश्यक आहे.